jiska 6 heures lizour

La prose créole des services météorologiques mauriciens. Lesquels, tout organisme d’État qu’ils soient, n’ont manifestement jamais entendu parler des efforts pseudo-gouvernementaux pour standardiser la graphie du langaz nasional.
 

 

Systeme Warning
Pou Cyclone

Classe 1 – Mette en vigueur 36 à 48 heures avant qui Maurice ou Rodrigues coummence gagne rafales 120 km/h.

Classe 2 – Mette en vigueur pou donne publik jiska 12 heures lizour avant ki gagne rafales 120 km/h.

Classe 3 – Mette en vigueur pou donne publik jiska 6 heures lizour avant ki gagne rafales 120 km/h.

Classe 4 – Mette en vigueur quand finne déja gagne rafales 120 km/h dans plusieurs endroits ek rafales pou continué.

Péna Warning – Péna aukaine danger gagne rafales 120 km/h ou plis.

●

Précaution qui bizin prend

Avant cyclone

● Vérifier si la case dans bon condition ek si li pou capave résister gros divant.
● Coupe banne branches ou zarbe qui pou capave endommage la case, di fil téléphone ek di fil courant.
● Retire banne zaffère dans la cour qui pou capave cause dégat ek blesse dimoune.
● Rode ène place sire pou gard bateau/pirogue.
● Essaye conné cote Centre Refuge Cyclone plis près avec la case.
● Prépare ek garde inpé kitchose couma:
– ène radio portable AM/FM avec piles neuf.
– torche, la bougie, la lampe, zallimette, etc.
– récipient pou garde dilo.
– boite conserve, la clef ouvre boite, plaque gaz ek bonbonne gaz, etc.
– di riz, la farine, biscuit, fromage, etc.
– ène boite First-Aid avec médecine important.
– linge dans sac plastic.
– zoutil important couma: marteau, koulou, canif, la corde, etc.

[…]
 
Pendant Warning Classe 3

● Complète tout banne précautions couma:
– installe volets lors la fenetre ek la porte.
– ramasse kitchose qui capave envoler dans gros divant.
● Pas reste dans l’endroit acote capave gagne inondation, raz de marée, etc.
● Ramasse banne zanimeaux.
● Protège bicyclette, motocyclette, van, camion, l’auto, pirogue, etc.
● Si la case pas garantie, préférable ale dans ène Centre Refuge. Prend banne zaffaire nécessaire et débranche tout l’appareil electrik.
● Continuer écoute bulletin cyclone lor Radio ek T.V avec boucou attention.

●